ആഴ്ചയില്‍ രണ്ട് ദിവസമെങ്കില്‍ എണ്ണ തേച്ച് കുളിക്കുന്നത് നല്ലതാണ്. എണ്ണ തേച്ച ശേഷം മുടിയിഴകള്‍ക്കിടയിലൂടെ നന്നായി മസാജ് ചെയ്യണം. പറ്റിപിടിച്ചിരിക്കുന്ന താരന്‍ ഇളകാന്‍ അത് കാരണമാകും. 20 മിനിറ്റ് എണ്ണ തേച്ചുനിന്ന ശേഷം കുളിക്കുന്നതാണ് ഉചിതം. അലോവേര തേയ്ക്കുന്നതും താരനെ പ്രതിരോധിക്കാന്‍ മികച്ച മാര്‍ഗ്ഗമാണ്.
തലയില്‍ സോപ്പ് തേച്ച് കുളിക്കുന്ന ശീലം ഉപേക്ഷിക്കുക. മുടിയുടെ ആരോഗ്യത്തിനു ഷാംപൂ തന്നെയാണ് അത്യുത്തമം. സോപ്പ് തേച്ച് തല കുളിക്കുമ്പോള്‍ അത് താരന്‍ വളരാന്‍ വഴിയൊരുക്കുന്നു. സലിസിലിക്ക് ആസിഡ് അടങ്ങിയ ഷാംപൂവാണ് താരനെ പ്രതിരോധിക്കാന്‍ നല്ലത്. ഒമേഗ 3 അടങ്ങിയ മത്സ്യം ധാരാളം കഴിക്കുന്നതും താരനെതിരെ പ്രതിരോധം തീര്‍ക്കും.
