ദിവസത്തില്‍ രണ്ട് നേരം നിര്‍ബന്ധമായും പല്ലുകള്‍ വൃത്തിയാക്കണം. കിടക്കുന്നതിനു മുന്‍പ് ബ്രഷ് ചെയ്യേണ്ടത് അത്യാവശ്യമാണ്. കിടക്കുന്നതിനു മുന്‍പ് പല്ല് തേയ്ക്കാത്തവരില്‍ മോണ പഴുപ്പ്, പല്ലില്‍ കറ, പല്ലുകള്‍ ദ്രവിക്കല്‍ എന്നിവ കാണപ്പെടുന്നു. മധുരമുള്ള ഭക്ഷണ പദാര്‍ത്ഥങ്ങള്‍, നോണ്‍ വെജ് ഭക്ഷണങ്ങള്‍ എന്നിവ കഴിച്ചാല്‍ ഉടന്‍ പല്ല് തേയ്ക്കുന്നത് നല്ല കാര്യമാണ്. ഭക്ഷണ അവശിഷ്ടങ്ങള്‍ പല്ലിനിടയില്‍ തങ്ങി നില്‍ക്കുമ്പോള്‍ പല്ലിന്റെ ഇനാമല്‍ നശിപ്പിക്കുന്ന ബാക്ടീരിയകളുടെ സ്വാധീനം പെരുകുന്നു.
