അര കപ്പ് ഓട്‌സ്, നന്നായി പഴുത്ത പഴം ആറെണ്ണം, രണ്ട് മുട്ട എന്നിവയാണ് ഇതിനു പ്രധാനമായി ആവശ്യം. ആദ്യം ഓട്‌സ് ചെറിയ തീയില്‍ വറുത്തെടുക്കുക. പഴവും മുട്ട പൊട്ടിച്ചൊഴിച്ചതും മിക്‌സിയില്‍ നന്നായി അടിച്ചെടുക്കണം. ആദ്യം വറുത്തെടുത്ത ഓട്‌സ്, അര ടീസ്പൂണ്‍ ഏലക്കാപ്പൊടി, കറുപ്പട്ടപ്പൊടി, ഒരു ടേബിള്‍ കൊക്കോ പൗഡര്‍ എന്നിവ കൂടി ജാറിലേക്ക് ഇടുക. എല്ലാം ചേര്‍ത്ത് മിക്‌സിയില്‍ ഒന്നുകൂടി അടിച്ചെടുക്കണം. ശേഷം ദോശക്കല്ലില്‍ ഈ മിശ്രിതം ഒഴിച്ച് ദോശ ചുടുന്ന പോലെ ചുടുക.
