ശരീര പേശികളുടെ വളർച്ചക്ക് ഇത് വലിയ രീതിയിൽ സഹായിക്കും. ചർമത്തിന് യൌവ്വനം നൽകുന്നതിന് പാലും പിസ്തയും കൂടിച്ചേരുന്ന മിശ്രിതത്തിന് കഴിവുണ്ട്. പിസ്തയിൽ അടങ്ങിയിരിക്കുന്ന ഫാറ്റി ആസിഡുകളും, വൈറ്റമിൻ ഇയും, ആന്റീ ഓക്സിഡന്റുകളുമാണ് സൌന്ദര്യ സംരക്ഷണത്തിന് സഹായിക്കുന്നത്.
ജീവകങ്ങളായ എ, ബി6, കെ, സി, എന്നിവയും, കാല്‍സ്യം, അയണ്‍, സിങ്ക്, മഗ്‌നീഷ്യം, കോപ്പര്‍, പൊട്ടാസ്യം തുടങ്ങിയ പോഷകങ്ങളും, ബീറ്റാ കരോട്ടിന്‍, ഡയറ്റെറി ഫൈബര്‍, ഫോസ്ഫറസ്, പ്രോട്ടീന്‍, ഫോളേറ്റ്, തയാമിന്‍ എന്നീ ഘടകങ്ങളും പിസ്തയിൽ ധാരാളമായി അടങ്ങിയിട്ടുണ്ട്.
