കഷണ്ടിയുള്ളവര്‍ ആകര്‍ഷണീയര്‍ ആണ്; ഇതാണ് കാരണം

പുരുഷന്മാരെ ഏറെ അലട്ടുന്ന ഒരു പ്രശ്നമാണ് മുടി കൊഴിച്ചില്‍. മുടി കൊഴിയുന്നതും കഷണ്ടി കയറുന്നതും അവരെ സംബന്ധിച്ചിടത്തോളം ടെന്‍ഷന്‍ ഉണ്ടാക്കുന്നവയാണ്. കഷണ്ടി പുരുഷന്മാരുടെ ആത്മവിശ്വാസത്തെ ബാധിക്കുമെന്നാണ് പഠനങ്ങള്‍ പറയുന്നത്.

പെന്‍‌സില്‍‌വാനിയയിലെ ഗവേഷകരുടെ പുതിയ കണ്ടെത്തല്‍ അനുസരിച്ച് കഷണ്ടിയുള്ള പുരുഷന്മാര്‍ ആണ് കൂടുതല്‍ ആകര്‍ഷണീയരത്രേ. സാധാരണ ആളുകളില്‍ നിന്നും തികച്ചും വ്യത്യസ്തരായിരിക്കും കഷണ്ടിയുള്ളവരെന്നാണ് ഇവരുടെ പഠനങ്ങള്‍ പറയുന്നത്. 

കോളേജ് വിദ്യാര്‍ത്ഥികളോടാണ് ഗവേഷകര്‍ തങ്ങളുടെ ചോദ്യങ്ങള്‍ ചോദിച്ചത്. കുറേ പുരുഷന്മാരുടെ ചിത്രങ്ങള്‍ പ്രദര്‍ശിപ്പിച്ച് ഇതില്‍ ഏറ്റവും ആകര്‍ഷണീയര്‍, ആത്മവിശ്വസമുള്ളവര്‍, ശ്രേഷ്ഠര്‍ എന്നിവരെ തെരഞ്ഞെടുക്കാന്‍ ആവശ്യപ്പെട്ടു. ആദ്യത്തെ മൂന്ന് റൌണ്ടുകളിലും ഭൂരിഭാഗം പെണ്‍കുട്ടികള്‍ തെരഞ്ഞെടുത്തത് കഷണ്ടിയുള്ളവരെയാണ് എന്നതാണ് ശ്രദ്ദേയം.