തിളക്കമാർന്ന ചർമം പെൺകുട്ടികളുടെ മാത്രമല്ല, ആൺകുട്ടികളുടെയും സ്വപ്നമാണ്. മുഖക്കുരുവും കറുത്തപാടുകളും ഇല്ലാത്ത ചർമം ആഗ്രഹിക്കാത്തവർ ആരാണുള്ളത്. തിളക്കമാർന്ന ചർമം ആത്മവിശ്വാസം പകരും. ചർമകാന്തി നേടാൻ വിലകൂടിയ വസ്തുക്കൾ വാങ്ങുന്നവരുടെ അറിവിലേക്കിതാ ചില എളുപ്പ മാർഗങ്ങൾ.
ഓട്സ്:
ഏതു പ്രായക്കാർക്കും ഏതു ഭക്ഷണപ്രിയർക്കും കഴിക്കാൻ സാധിക്കുന്ന ഒന്നാണ് ഓട്സ്. ഒരുപാട് ഗുണങ്ങളുള്ള ഈ ഓട്സ് തിളങ്ങുന്ന ചർമത്തിന് ഉത്തമമാണെന്ന കാര്യം അധികമാർക്കും അറിയില്ല. ഓട്‌സില്‍ ചര്‍മത്തിന് ഈര്‍പ്പം നല്‍കുന്ന ലൂബ്രിക്കേറ്റിംഗ് ഫാറ്റുണ്ട്. ഇത് അള്‍ട്രാവയലറ്റ് രശ്മികളെ ചെറുത്തുനിര്‍ക്കാന്‍ സഹായിക്കും. സൗന്ദര്യ സംരക്ഷണത്തിന് ഗുണവത്താണ് ഓട്സ്.
