മള്‍ട്ടി വിറ്റാമിന്‍ കഴിക്കുന്നതിലൂടെ ശരീരത്തിനാവശ്യമായ വിറ്റാമിനുകളും മിനറലുകളും ലഭിക്കുന്നു. വിറ്റാമിന്‍ സി, ഡി, സിങ്ക് എന്നിവ ശരീരത്തിന്റെ പ്രതിരോധ ശേഷി കൂട്ടുന്നു. കൂടാതെ വിറ്റാമിന്‍ ബി ഭക്ഷണത്തെ ഊര്‍ജമാക്കി മാറ്റുന്നതില്‍ വലിയ പങ്കുവഹിക്കുന്നു. അങ്ങനെ ക്ഷീണം അകറ്റാന്‍ സഹായിക്കുന്നു. കൂടാതെ ഇതിലടങ്ങിയിരിക്കുന്ന വിറ്റാമിന്‍ഇ, ബി6, ഫോളിക് ആസിഡ്, എന്നിവ അണുബാധ കുറച്ച് ഹൃദയാരോഗ്യത്തിന് സഹായിക്കുന്നു. വിറ്റാമിന്‍ എ, സി, ഇ, ബയോട്ടിന്‍,എന്നിവ ചര്‍മത്തിന്റെയും മുടിയുടേയും നഖത്തിന്റെയും ആരോഗ്യത്തെ സംരക്ഷിക്കുന്നു.
കൂടാതെ വിറ്റാമിന്‍, ഡി, കെ, കാല്‍സ്യം എന്നിവ എല്ലുകളുടെ ആരോഗ്യത്തിന് ആവശ്യമാണ്. വിറ്റാമിന്‍ എ, സി, ഇ, എന്നിവ കണ്ണിന്റെ ആരോഗ്യത്തിനും നല്ലതാണ്. ഭക്ഷണത്തില്‍ നിന്നും പോഷകങ്ങളെ ശരീരത്തിന് ആഗീരണം ചെയ്യാനും മള്‍ട്ടിവിറ്റാമിന്‍ സഹായിക്കുന്നു. അതേസമയം മുട്ടയുടെ വെള്ള പ്രോട്ടീന്റെ പവര്‍ ഹൗസ് എന്നാണ് അറിയപ്പെടുന്നത്. ഇത് മുഴുവനും പ്രോട്ടീനാണ്. ഇത് മസില്‍ ഉണ്ടാക്കാന്‍ സഹായിക്കുന്നു.
അതേസമയം മുഴുവന്‍ മുട്ടകഴിച്ചാല്‍ അതില്‍ നിന്നും പ്രോട്ടീനൊപ്പം നല്ല കൊളസ്‌ട്രോളും പോഷകങ്ങളും ലഭിക്കും. മുട്ടയുടെ വെള്ളയില്‍ കലോറി കുറവാണ്. എന്നാല്‍ വിറ്റാമിന്‍ എ, ഡി, ഇ, ബി കോംപ്ലക്‌സ്, ആവശ്യ മിനറലുകള്‍ എന്നിവയെല്ലാം മുട്ടയുടെ മഞ്ഞയിലാണ് ഉള്ളത്. മുട്ടയുടെ വെള്ളയില്‍ ഒട്ടും തന്നെ കൊഴുപ്പ് ഇല്ല. മഞ്ഞയിലാണ് കൊഴുപ്പുള്ളത്. ഇത് തലച്ചോറിന്റെ ആരോഗ്യത്തിന് നല്ലതാണ്.
