സംസ്ഥാനത്ത് ചൂട് ഉയരുന്ന സാഹചര്യത്തില്‍ വസ്ത്രധാരണം അതീവ ശ്രദ്ധയോടെ വേണം. ശരീരത്തില്‍ ചൂട് ഉയര്‍ത്തുന്ന വസ്ത്രങ്ങള്‍ ഒഴിവാക്കുക. ചൂടുകാലത്ത് ധരിക്കാന്‍ ഏറ്റവും ഉചിതം കോട്ടണ്‍ (പരുത്തി) വസ്ത്രങ്ങളാണ്. അയഞ്ഞ, കട്ടി കുറഞ്ഞ കോട്ടണ്‍ വസ്ത്രങ്ങള്‍ ശീലമാക്കുക. ഇളം നിറത്തിലുള്ള വസ്ത്രങ്ങള്‍ തിരഞ്ഞെടുക്കാനും മറക്കരുത്. ശരീരത്തിലെ വിയര്‍പ്പ് അതിവേഗം വലിച്ചെടുക്കാനുള്ള കഴിവ് കോട്ടണ്‍ മെറ്റീരിയലിന് ഉണ്ട്. കോട്ടണ്‍ വസ്ത്രങ്ങള്‍ക്ക് വായു സഞ്ചാരം കൂടുതലാണ്. പരുത്തി വസ്ത്രങ്ങളില്‍ ഉപയോഗിക്കുന്നത് നേര്‍ത്ത നൂലുകളാണ്. ഇക്കാരണത്താല്‍ വിയര്‍പ്പ് എളുപ്പത്തില്‍ ബാഷ്പീകരിക്കുന്നു. ശരീരത്തിനു തണുപ്പ് അനുഭവപ്പെടുകയും ചെയ്യും.
