നമ്മൾ അറിയാതെ മൂക്കിനകത്ത് മുടിവ് പറ്റിയിട്ടുണ്ടെങ്കിലോ മൂക്കിൽ നിന്നും സ്വാഭാവികമായും രക്തം വന്നേക്കാം. കുട്ടികൾ, മുതിര്‍ന്നവര്‍, ഗര്‍ഭിണികള്‍ അങ്ങനെ പല പ്രായത്തിലും പല അവസ്ഥകളിലുമുള്ള ആളുകളില്‍ ഇങ്ങനെ സംഭവിക്കാറുണ്ട്.
ശ്വാസകോശത്തിലെ അണുബാധയും ഉയര്‍ന്ന രക്തസമ്മര്‍ദ്ദവും രക്തം കട്ട പിടിക്കാന്‍ സഹായിക്കുന്ന ഘടകങ്ങളില്‍ പ്രശ്‌നമുണ്ടാകുന്നതും ബ്ലീഡിംഗ് പ്രശ്‌നം ഉണ്ടാകുന്നതും ക്യാന്‍സർ ലക്ഷണമായും ഇങ്ങനെ സംഭവിച്ചേക്കാം. സാധാരണഗതിയില്‍ മൂക്കില്‍ നിന്ന് അല്‍പം രക്തം വരുന്ന സാഹചര്യങ്ങളെ ഭയപ്പെടേണ്ടതില്ല. എന്നാല്‍ 20 മുതല്‍ 25 മിനുറ്റില്‍ അധികം സമയത്തേക്ക് രക്തം വരുന്നുണ്ടെങ്കില്‍ അത് ശ്രദ്ധിക്കേണ്ടതുണ്ട്. ഉടന്‍ തന്നെ ആശുപത്രിയില്‍ പോവുകയും ഡോക്ടറെ കാണുകയും ചെയ്യേണ്ടതുണ്ട്.
