കാമുകി തന്റെ അടിവസ്ത്രങ്ങൾ അടിച്ചുമാറ്റുന്നുവെന്ന് ക്രിസ്‌റ്റ്യാനോ
ശനി, 20 ഡിസം‌ബര്‍ 2014 (14:55 IST)
കാമുകിയായ ഇറിന ഷയി തന്റെ അടിവസ്ത്രങ്ങൾ പതിവായി മോഷ്‌ടിക്കുന്നുവെന്ന് പോര്‍ച്ചുഗല്‍ ഫുട്ബോള്‍ താരവും റയല്‍ മാഡ്രിഡിന്റെ കൂന്ത മുനയുമായ ക്രിസ്‌റ്റ്യാനോ റൊണാൾഡോ. മാധ്യമപ്രവർത്തകരോടാണ് ക്രിസ്‌റ്റ്യാനോ കാമുകിയുടെ പുതിയ ഹോബിയെ കുറിച്ച് വ്യക്തമാക്കിയത്.
തന്റെ കാമുകിയും അറിയപ്പെടുന്ന മോഡലുമായ ഇറിന ഷയി അവസരം ലഭിക്കുമ്പോഴെല്ലാം തന്റെ അടിവസ്ത്രങ്ങൾ മോഷ്‌ടിച്ച് സ്വന്തം അലമാരയില്‍ സൂക്ഷിക്കാറുണ്ടെന്നാണ് ക്രിസ്‌റ്റ്യാനോ റൊണാൾഡോ പറഞ്ഞത്. അവള്‍ക്ക് തോന്നുന്ന സമയത്ത് അവള്‍ പല നിറത്തിലും വ്യത്യസ്ഥവുമായ അടിവസ്ത്രങ്ങള്‍ അടിച്ചുമാറ്റും. ഇറീന വീട്ടിൽ ഇല്ലാത്തപ്പോൾ ഞാൻ ചിലപ്പോൾ അവരുടെ അലമാര തുറക്കാറുണ്ട്. അപ്പോൾ തന്റെ നിരവധി അടിവസ്ത്രങ്ങൾ അതിൽ കണ്ടിട്ടുണ്ടെന്നും താരം പറഞ്ഞു.
എന്നാല്‍ ഇറിനയോട് തനിക്ക് ഒരു ദേഷ്യവും ഇല്ല, ഇത്‌ വളരെ തമാശയായിട്ടാണ് തനിക്ക് തോന്നിയതെന്നും ക്രിസ്‌റ്റ്യാനോ റൊണാൾഡോ പറഞ്ഞു. നിങ്ങളുടെ അലമാരയിൽ നിന്ന് എന്താണ്‌ കാമുകി ഏറ്റവും കൂടുതൽ മോഷ്‌ടിക്കുന്നതെന്ന ചോദ്യത്തിനാണ് ക്രിസ്‌റ്റ്യാനോ കാമുകിയുടെ സ്വഭാവം വെളിപ്പെടുത്തിയത്.
