നിലവില്‍ അര്‍ജന്റീന ഗ്രൂപ്പ് സിയിലെ ചാംപ്യന്‍മാരാണ്. പ്രീ ക്വാര്‍ട്ടറില്‍ ഗ്രൂപ്പ് ഡിയിലെ രണ്ടാം സ്ഥാനക്കാരായ ഓസ്‌ട്രേലിയയാണ് പ്രീ ക്വാര്‍ട്ടറില്‍ അര്‍ജന്റീനയുടെ എതിരാളികള്‍. പ്രീ ക്വാര്‍ട്ടര്‍ ജയിച്ചാല്‍ നെതര്‍ലന്‍ഡ് vs യുഎസ്എ പ്രീ ക്വാര്‍ട്ടര്‍ മത്സരത്തിലെ വിജയികളെയാണ് ക്വാര്‍ട്ടറില്‍ അര്‍ജന്റീന നേരിടേണ്ടിവരിക.
അതേസമയം, ഗ്രൂപ്പ് ചാംപ്യന്‍മാരായി ബ്രസീല്‍ പ്രീ ക്വാര്‍ട്ടറില്‍ എത്തുകയും പ്രീ ക്വാര്‍ട്ടറും ക്വാര്‍ട്ടറും ജയിച്ച് സെമിയിലെത്തുകയും ചെയ്താല്‍ അപ്പുറത്ത് എതിരാളികളായി എത്തുക അര്‍ജന്റീനയാണ്. അതേസമയം, ഗ്രൂപ്പിലെ രണ്ടാം സ്ഥാനക്കാരായാണ് ബ്രസീല്‍ പ്രീ ക്വാര്‍ട്ടറില്‍ എത്തുന്നതെങ്കില്‍ പിന്നീട് ബ്രസീല്‍ - അര്‍ജന്റീന ഫൈനലിനാണ് സാധ്യത.
