നർമത്തിന്റേയും ഹാസ്യത്തിന്റേയും കൂട്ടുപിടിച്ചാണ് ചിത്രത്തിന്റെ ആദ്യ പകുതി മുന്നോട്ട് പോകുന്നത്. ഒരു നാട്ടിൻപുറവും അവിടുത്തെ ആളുകളുടെ പെരുമാറ്റവും സംസാരവും രാഷ്ട്രീയവുമെല്ലാം ആദ്യ പകുതിയിൽ വ്യക്തമായി വരച്ചു കാട്ടുന്നുണ്ട്. നായകനായ ബിനീഷ് പുകവലിയിൽ എത്രത്തോളം അടിക്ട് ആണെന്ന് ആദ്യപകുതിയിലൂടെ വ്യക്തം. ആദ്യ പകുതി അവസാനിക്കുമ്പോൾ സംവിധായകൻ ഒരു പുതുമുഖമാണെന്ന തോന്നൽ പ്രേക്ഷകർക്ക് ഉണ്ടാകുന്നില്ല.
എന്നാൽ, രണ്ടാം പകുതിയി ആദ്യ പകുതിയെ അപേക്ഷിച്ച് ഈ നർമം കാണാനാകുന്നില്ല. പകുതിയുടെ ആരംഭത്തിൽ ചെറിയ ചില പോരായ്മകളും ഇഴച്ചിലുകളും ഉണ്ട്. പക്ഷേ ഇത് സിനിമയെ മൊത്തത്തിൽ ബാധിക്കില്ല. അത്രമേൽ സുന്ദരമായിട്ടാണ് കഥ പോകുന്നതെന്ന് ചുരുക്കം. അപ്രതീക്ഷിതമായി ഒന്നും സംഭവിക്കുന്നില്ലെങ്കിലും പ്രേക്ഷകർക്കിഷ്ടപ്പെടുന്ന ക്ലൈമാക്സ് ആണ് ചിത്രത്തിന്.
സുരാജ് വെഞ്ഞാറമൂട്, ഷമ്മി തിലകന്‍, സുരഭി ലക്ഷ്മി, രാജേഷ് ശര്‍മ്മ തുടങ്ങിയവരാണ് ചിത്രത്തില്‍ വേഷമിട്ടിട്ടുള്ളത്. അവരവര്‍ക്ക് ലഭിച്ച കഥാപാത്രത്തെ അവർ മനോഹരമാക്കി.
റേറ്റിംഗ്:3.5/5
