രാമലീല നേടിയ വമ്പന്‍ വിജയത്തിന് ശേഷം ദിലീപിന്‍റെ അടുത്ത സിനിമ അണിയറയില്‍ ഒരുങ്ങുകയാണ്. നവാഗതനായ രതീഷ് അമ്പാട്ട് സംവിധാനം ചെയ്യുന്ന ‘കമ്മാരസംഭവം’ എന്ന ചിത്രം അടുത്ത വര്‍ഷം ആദ്യം പ്രദര്‍ശനത്തിനെത്തും. ആ സിനിമയില്‍ ദിലീപിന്‍റെ പുതിയ ലുക്ക് ഇപ്പോള്‍ പുറത്തുവന്നിട്ടുണ്ട്. ബിഗ് ബജറ്റിലാണ് ഈ സിനിമ ഒരുങ്ങുന്നത്.
നമിത പ്രമോദ് നായികയാകുന്ന സിനിമയില്‍ ബോബി സിംഹ, ശ്വേത മേനോന്‍, മണിക്കുട്ടന്‍, സിദ്ദിക്ക്, വിജയരാഘവന്‍, ഇന്ദ്രന്‍സ്, വിനയ് ഫോര്‍ട്ട് തുടങ്ങിയവരും അഭിനയിക്കുന്നു.
