വീണ്ടും ഐജി ഗീത പ്രഭാകർ ആയി ചുമതലയേൽക്കാൻ ഒരുങ്ങി ആശ ശരത്ത്. ദൃശ്യം 2ൻറെ ടീമിനൊപ്പം ചേരുന്നതിൻറെ സന്തോഷം നടി തന്നെയാണ് പങ്കുവെച്ചത്. ഷൂട്ടിങ്ങിന് മുമ്പ് കോവിഡ് നെഗറ്റീവ് റിപ്പോർട്ട് കിട്ടിയെന്നും ജീവിതത്തിലെ ഏറ്റവും പ്രിയപ്പെട്ട കഥാപാത്രമാണ് ഗീത പ്രഭാകർ എന്നും താരം പറഞ്ഞു. എല്ലാവരുടെയും അനുഗ്രഹവും പ്രാർത്ഥനയും വേണമെന്നും താരം സോഷ്യൽ മീഡിയയിൽ കുറിച്ചു.
മോഹൻലാൽ, മീന, അൻസിബ, എസ്തർ എന്നിവർ കുടുംബാംഗങ്ങളെ വീണ്ടും പ്രതിനിധീകരിക്കുന്നു. സിദ്ദിഖ്, ആശാ ശരത്ത്, സായ്‌കുമാർ, മുരളി ഗോപി, ഗണേഷ് കുമാർ, സുമേഷ്, ആദം അയൂബ്, അഞ്ജലി നായർ, അജിത് കൂത്താട്ടുകുളം എന്നീ വൻ താരനിരതന്നെ ചിത്രത്തിലുണ്ട്. ജീത്തു ജോസഫ് സംവിധാനം ചെയ്യുന്ന ചിത്രം ആൻറണി പെരുമ്പാവൂരാണ് നിർമ്മിക്കുന്നത്.
