1989ലാണ് അപൂര്‍വ സഹോദരങ്ങള്‍ എന്ന തമിഴ് ചിത്രം റിലീസ് ചെയ്തത്. കമല്‍ഹാസന്‍ കുള്ളനായി അഭിനയിച്ച ആ സിനിമ ഇന്ത്യയിലെങ്ങും തരംഗമായി മാറി. വര്‍ഷങ്ങള്‍ക്ക് ശേഷം ഏറ്റവുമധികം കുള്ളന്‍‌മാര്‍ അഭിനയിച്ച മലയാളചിത്രവും പിറന്നു - വിനയന്‍ സംവിധാനം ചെയ്ത ‘അത്ഭുതദ്വീപ്’. സാക്ഷാല്‍ ഷാരുഖ് ഖാന്‍ കുള്ളനായി അഭിനയിക്കുന്നു എന്നതാണ് പുതിയ വാര്‍ത്ത.
ഉയരം കുറഞ്ഞ നായകനും നായികയും തമ്മിലുള്ള പ്രണയകഥയാണ് ഈ സിനിമയെന്നാണ് റിപ്പോര്‍ട്ടുകള്‍. ചക് ദേ ഇന്ത്യ, മൈ നെയിം ഈസ് ഖാന്‍ എന്നിവയ്ക്ക് ശേഷം വ്യത്യസ്തമായ ഒരു കഥാപാത്രത്തെ അവതരിപ്പിക്കാനുള്ള അവസരമാണ് ഈ പ്രൊജക്ടിലൂടെ ഷാരുഖിന് ലഭിച്ചിരിക്കുന്നത്.
തനു വെഡ്സ് മനു, രാഞ്ജന, തനു വെഡ്സ് മനു റിട്ടേണ്‍സ് എന്നീ മെഗാഹിറ്റ് സിനിമകളുടെ സംവിധായകനാണ് ആനന്ദ് എല്‍ റായി.
