രണ്ജി പണിക്കരുടെ മമ്മൂട്ടിച്ചിത്രം എന്ന് കേട്ടാല്‍ അതേപ്പറ്റി പ്രേക്ഷകര്‍ക്കൊരു മുന്‍‌വിധി ഉണ്ടായിരിക്കും. ആ സിനിമയില്‍ തകര്‍പ്പന്‍ ഡയലോഗുകളും ഉഗ്രന്‍ ആക്ഷന്‍ രംഗങ്ങളും ഉണ്ടായിരിക്കുമെന്ന് ഉറപ്പാണ്. എന്നാല്‍ അദ്ദേഹത്തിന്‍റെ മകന്‍ നിതിന്‍ രണ്ജി പണിക്കരുടെ ആദ്യ സിനിമ ഏത് ജോണറിലുള്ള ചിത്രമായിരിക്കുമെന്ന് പ്രവചിക്കുക വയ്യ. എങ്കിലും റിപ്പോര്‍ട്ടുകളുടെ അടിസ്ഥാനത്തില്‍ നിതിന്‍ സംവിധാനം ചെയ്യുന്ന ആദ്യചിത്രം ഒരു കോമഡി ത്രില്ലറായിരിക്കുമെന്നാണ് വിവരം.
എന്തായാലും ‘കസബ’ ഇപ്പോള്‍ തന്നെ ഏറെ വാര്‍ത്താപ്രാധാന്യം നേടിക്കഴിഞ്ഞു. മമ്മൂട്ടിയുടെ വ്യത്യസ്തതയുള്ള ഒരു പൊലീസ് സ്റ്റോറി എന്ന നിലയില്‍ ആരാധകര്‍ ഈ സിനിമയ്ക്കായി കാത്തിരിക്കുകയാണ്. ഇന്‍സ്പെക്ടര്‍ ബല്‍‌റാം, രൌദ്രം തുടങ്ങിയ സിനിമകളുമായി ഈ ചിത്രത്തിന് താരതമ്യമുണ്ടാവില്ല. എന്നാല്‍ മമ്മൂട്ടിയുടെ തന്നെ ‘ഡാഡി കൂള്‍’ ഈ സിനിമയുമായി താരതമ്യപ്പെടുത്താവുന്ന ചിത്രമാണ്.
