എ കെ സാജന്‍ സംവിധാനം ചെയ്യുന്ന മമ്മൂട്ടിച്ചിത്രത്തിന്‍റെ പേര് സംബന്ധിച്ച് അവ്യക്തത ഇപ്പോഴും നിലനില്‍ക്കുകയാന്. ‘സോളമന്‍റെ കൂടാരം’ എന്ന് പേരിട്ടെന്നായിരുന്നു ആദ്യ റിപ്പോര്‍ട്ട്. ‘പുതിയ നിയമം’ എന്ന് മാറ്റിയെന്ന് പിന്നീട് വാര്‍ത്ത വന്നു. എന്നാല്‍ ഇതൊന്നും സത്യമല്ലെന്നാണ് അണിയറപ്രവര്‍ത്തകര്‍ അറിയിക്കുന്നത്.
എ കെ സാജനും മമ്മൂട്ടിയും ഒരുമിക്കുന്നു എന്നുകേള്‍ക്കുമ്പോള്‍ തന്നെ ഇതൊരു ആക്ഷന് ത്രില്ലറായിരിക്കുമെന്നും ധാരാളം സംഘട്ടന രംഗങ്ങള്‍ ഉണ്ടായിരിക്കുമെന്നുമുള്ള മുന്‍‌വിധി പ്രേക്ഷകര്‍ക്കുണ്ടാകും. എന്നാല്‍ അങ്ങനെയുള്ള മുന്‍‌വിധികളെയെല്ലാം തകര്‍ത്തെറിയുന്ന പ്രൊജക്ടായിരിക്കും ഈ സിനിമയെന്നാണ് സംവിധായകന്‍ പറയുന്നത്.
