എന്നാല്‍ പൃഥ്വിരാജിനെയും ഹൃത്വിക് റോഷനെയും താരതമ്യപ്പെടുത്താമോ? അത് ഇത്തിരി ബുദ്ധിമുട്ടുള്ള കാര്യമാണെന്ന് പറയാം. ശരീര സൌന്ദര്യത്തിന്‍റെ കാര്യത്തിലും നൃത്തത്തിന്‍റെ കാര്യത്തിലും പൃഥ്വിയെക്കാള്‍ ഒരുപടി മുന്നിലാണ് ഹൃത്വിക്. എന്നാല്‍ അഭിനയപ്രകടനത്തിന്‍റെ കാര്യത്തില്‍ പൃഥ്വിയുടെ അടുത്തെങ്ങുമെത്തില്ല ഹൃത്വിക് റോഷന്‍.
എന്തായാലും, ‘ഹീറോ’ എന്ന ചിത്രത്തില്‍ പൃഥ്വിരാജിന്‍റെ നായികയായ യാമി ഗൌതം ഇപ്പോള്‍ ഹൃത്വിക് റോഷന്‍റെ നായികയാകുന്നു എന്നതാണ് പുതിയ വാര്‍ത്ത. സഞ്ജയ് ഗുപ്ത സംവിധാനം ചെയ്യുന്ന ‘കബില്‍’ എന്ന സിനിമയിലാണ് ഹൃത്വിക്കിന്‍റെ നായികയായി യാമി എത്തുന്നത്.
എന്തായാലും ഒരു മലയാള ചിത്രത്തിലേ യാമി അഭിനയിച്ചിട്ടുള്ളൂ. അത് മലയാളത്തിന്‍റെ ഹൃത്വിക് റോഷനൊപ്പമാണെന്ന് യാമി എന്നെങ്കിലും പറയുമോ? വിക്കി ഡോണര്‍, ആക്ഷന്‍ ജാക്സണ്‍ തുടങ്ങിയ ഹിന്ദിച്ചിത്രങ്ങളിലെ നായികയായിരുന്നു യാമി ഗൌതം.
