കാസര്‍ഗോഡ് കുമ്പള സ്വദേശിയാണ് നിത്യാനന്ദ ഷേണായ്. എന്നാല്‍ ഇപ്പോള്‍ താമസം ഗോവയിലാണ്. കള്ളക്കടത്തുകാരനായ ഇയാള്‍ നോട്ട് നിരോധനമുണ്ടായപ്പോള്‍ നേരിടുന്ന പ്രതിസന്ധികളിലൂടെയാണ് ചിത്രം കടന്നുപോകുന്നത്. മമ്മൂട്ടി ആരാധകരെ ത്രസിപ്പിക്കുന്ന മരണമാസ് രംഗങ്ങള്‍ അനവധിയാണ് ഈ സിനിമയില്‍ രഞ്ജിത് ഒരുക്കിയിരിക്കുന്നത്. പൂര്‍ണമായും കാസര്‍കോഡ് ഭാഷയിലാണ് ഈ സിനിമയില്‍ മമ്മൂട്ടിയുടെ സംസാരം. കഥാകൃത്ത് പി വി ഷാജികുമാറാണ് മമ്മൂട്ടിയുടെ കാസര്‍കോഡ് ഭാഷയിലുള്ള സംസാരത്തിന്‍റെ പിന്നിലുള്ള ശക്തി.
