മമ്മൂട്ടിയുടെ എഡ്വാര്‍ഡ് ലിവിംഗ്സ്റ്റണും മോഹന്ലാലിന്റെ മൈക്കിള്‍ ഇടിക്കുളയും ഏറ്റുമുട്ടുന്നു. പൂജയ്ക്കാണ് ഇരു ചിത്രങ്ങളും റിലീസ് ചെയ്യുന്നത്. ഈ ചിത്രങ്ങള്‍ ഒരുമിച്ച് റിലീസ് ചെയ്യില്ലെന്നായിരുന്നു നേരത്തേ അറിയിച്ചിരുന്നതെങ്കിലും പുതിയ വിവരം അനുസരിച്ച് രണ്ടുചിത്രങ്ങളും ഒരു ദിവസം തന്നെ പ്രദര്‍ശനത്തിനെത്തും.
മമ്മൂട്ടിച്ചിത്രമായ മാസ്റ്റര്‍പീസ് നേരത്തേ തന്നെ പൂജ റിലീസായി തീരുമാനിച്ചിരുന്നു. എന്നാല്‍ മോഹന്‍ലാല്‍ ചിത്രം വെളിപാടിന്‍റെ പുസ്തകം ഓണം റിലീസായാണ് പ്ലാന്‍ ചെയ്തിരുന്നത്. ചില പ്രത്യേക കാരണങ്ങളാല്‍ വെളിപാടിന്‍റെ പുസ്തകം ഓണത്തിന് പ്രദര്‍ശനത്തിനെത്താന്‍ അസൌകര്യം നേരിട്ടു. അതോടെയാണ് റിലീസ് പൂജ സമയത്തേക്ക് മാറ്റിയത്.
