മഞ്ജു മതി, മോഹൻലാലിന്റെ ആ പിടിവാശിയുടെ കാ‍രണമിതോ?

തുടർച്ചയായി മോഹൻലാൽ തന്റെ നായികയായി തിരഞ്ഞെടുക്കുന്നത് മഞ്ജു വാര്യരെയാണ്. മഞ്ജുവിന്റെ അഭിനയ വൈഭവം കൊണ്ടും കഴിവ് കൊണ്ടും ഏത് വേഷവും മികച്ചതാക്കാൻ മഞ്ജുവിന് കഴിയുമെന്ന് സംവിധായകനോളം തന്നെ ഉറപ്പ് മോഹൻലാലിനും ഉണ്ടെന്ന് പറയാം.

നീണ്ട പതിനാലു വർഷത്തെ ഇടവേളക്ക് ശേഷം തിരിച്ചെത്തിയ മഞ്ജു ഏറ്റവും കൂടുതൽ പെയർ ആയി അഭിനയിച്ചത് മോഹൻലാലിനൊപ്പം ആയിരുന്നു. മോഹൻലാൽ ആരാധകർ ഏറെ കാത്തിരിക്കുന്ന ഒടിയൻ, ലൂസിഫർ, ഷൂട്ടിംഗ് ആരംഭിച്ച മരയ്ക്കാർ അറബിക്കടലിന്റെ സിംഹം തുടങ്ങി എല്ലാ ചിത്രങ്ങളിലും മഞ്ജു വാര്യരുണ്ട്. 

ഓടിയനിലെ മോഹൻലാലിന്റേയും മഞ്ജു വാര്യരുടെയും കഥാപാത്രങ്ങളെ ആകാംക്ഷയോടെയാണ് ആരാധകർ ഉറ്റു നോക്കിയിരിക്കുന്നത്. മോഹൻലാലിനൊപ്പം മഞ്ജു വാര്യർ കാത്തിരിക്കുന്നത് ഒരു സ്വപ്ന വേഷത്തിനാണ്. രണ്ടാമൂഴത്തിനായാണ് മഞ്ജു കാത്തിരിക്കുന്നത്. 

ദ്രൗപതിയായി പലരുടെയും പേര് ഉയർന്നു കേട്ടെങ്കിലും മഞ്ജു വാര്യർ രണ്ടാമൂഴത്തിൽ ദ്രൗപതിയാകാൻ ഏറെ ആഗ്രഹിക്കുന്നുണ്ട്. ദ്രൗപതിയാകാൻ ഏറ്റവും അനുയോജ്യ അവർ തന്നെയാണെന്നാണ് ആരാധകരുടെ അഭിപ്രായം.