തുടര്‍ച്ചയായി ഹിറ്റുകള്‍ സൃഷ്ടിക്കുക എന്നത് ഒരു സംവിധായകനെ സംബന്ധിച്ച് ഏറെ ബുദ്ധിമുട്ടുള്ള കാര്യമാണ്. ചിലര്‍ ഒന്നോ രണ്ടോ വര്‍ഷം ഹിറ്റുകള്‍ തന്നിട്ട് പിന്നീട് വിജയവഴിയില്‍ നിന്ന് അപ്രത്യക്ഷമാകുന്നത് കാണാം. എന്നാല്‍ മറ്റുചിലര്‍ പതിറ്റാണ്ടുകളോളം തങ്ങളുടെ സക്സസ് നിലനിര്‍ത്തും. കെ ബാലചന്ദര്‍, ഷങ്കര്‍, ഭാരതിരാജ, മണിരത്നം, ജോഷി, ഐ വി ശശി തുടങ്ങിയവരൊക്കെ ഉദാഹരണം.
കുഞ്ചാക്കോ ബോബനിലൂടെ വിജയപാതയില്‍ തിരിച്ചെത്താനാണ് ഷാഫിയുടെ ശ്രമം. ബെന്നി പി നായരമ്പലത്തിന്‍റെ തിരക്കഥയില്‍ ഇതിനുമുമ്പ് അഞ്ചു തവണ ഷാഫി സിനിമകള്‍ ചെയ്തിട്ടുണ്ട്. കല്യാണരാമന്‍, മേരിക്കുണ്ടൊരു കുഞ്ഞാട്, തൊമ്മനും മക്കളും, ലോലിപോപ്പ്, ചട്ടമ്പിനാട് എന്നിവയാണ് അവ.
