സിനിമകള്‍ വിജയിക്കണമെങ്കില്‍ സൂപ്പര്‍ താരങ്ങള്‍ വേണമെന്നില്ല ബജറ്റ് പ്രശ്‌നമല്ല ഭാഷയും കാര്യമേ അല്ല, വിജയം നിര്‍ണയിക്കുന്ന മാനദണ്ഡങ്ങളില്‍ വലിയ മാറ്റങ്ങള്‍ വന്നിരിക്കുന്നു. 2023ല്‍ തുടങ്ങിയ വലിയ മാറ്റം 2024 ന്റെ തുടക്കത്തിലും തുടരുകയാണ്. ഏത് മലയാള സിനിമയ്ക്കും ലഭിക്കാത്ത വലിയ സ്വീകാര്യതയും പ്രതികരണങ്ങളും ആണ് മഞ്ഞുമ്മല്‍ ബോയ്‌സിന് ലഭിക്കുന്നത്. ഷോകളുടെ എണ്ണത്തിലും ടിക്കറ്റ് വില്‍പ്പനയിലും കുതിപ്പ് തുടരുകയാണ്.തമിഴ് യൂട്യൂബ് ചാനലുകള്‍ എല്ലാം സിനിമയെപ്പറ്റിയാണ് സംസാരിക്കുന്നത്. ഇതു വലിയൊരു പ്രമോഷനായി മാറി.പ്രേമം, ബാംഗ്ലൂര്‍ ഡെയ്‌സ്, 2018 എന്നീ സിനിമകളെ മറികടന്ന് തമിഴ്‌നാട്ടിന്റെ ബോക്‌സോഫീസ് ചരിത്രത്തില്‍ ഏറ്റവും അധികം കളക്ട് ചെയ്ത മലയാള സിനിമയായി മഞ്ഞുമ്മല്‍ ബോയ്‌സ് മാറിക്കഴിഞ്ഞു.
