ജീത്തു ജോസഫ് ഏവരും അംഗീകരിക്കുന്ന വലിയ സംവിധായകനാണ്. മോഹന്‍ലാലിനെ നായകനാക്കിയാണ് അദ്ദേഹത്തിന്‍റെ അടുത്ത പ്രൊജക്ട് എന്നത് നേരത്തേ പുറത്തുവന്ന വാര്‍ത്തയാണ്. എന്നാല്‍ പുതിയ സൂചന, ആ പ്രൊജക്ടില്‍ മമ്മൂട്ടിയും ഉണ്ടാകും എന്നാണ്.
ജീത്തു ജോസഫിന് ഏറ്റവും ഇഷ്ടമുള്ള ജോണറാണ് ഇമോഷണല്‍ ത്രില്ലര്‍ വിഭാഗം. മെമ്മറീസ്, ദൃശ്യം എന്നീ മാസ്റ്റര്‍പീസുകള്‍ ജീത്തു ആ ജോണറിലാണ് ഒരുക്കിയത്. എന്തായാലും പുതിയ സിനിമയുടെ തിരക്കഥാ രചനയിലാണ് ഇപ്പോള്‍ സംവിധായകന്‍.
അതേസമയം, തന്‍റെ രണ്ടാമത്തെ തമിഴ് ചിത്രത്തിനുള്ള ജോലികളും ജീത്തു ജോസഫ് പൂര്‍ത്തിയാക്കി വരികയാണ്. കാര്‍ത്തി നായകനാകുന്ന ആ സിനിമയുടെ ഷൂട്ടിംഗ് രണ്ടുമാസത്തിനുള്ളില്‍ ആരംഭിക്കും. കമല്‍ഹാസനെ നായകനാക്കി പാപനാശം ആയിരുന്നു ജീത്തു ജോസഫിന്‍റെ ആദ്യ തമിഴ് ചിത്രം.
