പോക്കിരിരാജ ഇറങ്ങി ഒമ്പത് വര്‍ഷങ്ങള്‍ കഴിഞ്ഞാണ് അണിയറക്കാര്‍ രണ്ടാം ഭാഗവുമായി എത്തുന്നത്. വലിയ ഹൈപ്പുമായി എത്തുന്ന സിനിമ ആഘോഷിക്കുവാനുളള തയ്യാറെടുപ്പുകളിലാണ് എല്ലാവരുമുളളത്. പ്രേക്ഷകര്‍ പ്രതീക്ഷിക്കുന്ന തരത്തിലുളള മാസ് ചേരുവകളെല്ലാം സിനിമയിലുണ്ടാവുമെന്നും അറിയുന്നു. വലിയ ക്യാന്‍വാസില്‍ തന്നെയാണ് മധുരരാജ അണിയിച്ചൊരുക്കുന്നത്.
വമ്പന്‍ താരനിരയാണ് മമ്മൂക്കയുടെ മധുര രാജയില്‍ അണിനിരക്കുന്നത്. അനുശ്രീ, ഷംന കാസിം, അന്ന രാജന്‍ തുടങ്ങിയവര്‍ ചിത്രത്തില്‍ നായികമാരായി എത്തുന്നു. പുലിമുരുകനിലെ വില്ലന്‍ വേഷത്തിലൂടെ മലയാളികള്‍ക്ക് സുപരിചിതനായ ജഗപതി ബാബുവാണ് സിനിമയില്‍ വില്ലന്‍ വേഷത്തിലെത്തുന്നത്.
