ഇതിനെക്കുറിച്ച് വിദേശ സിനിമ ഓണ്‍ലൈന്‍ മാധ്യമങ്ങളില്‍ പോലും വാര്‍ത്തയായി. ഇതിന് ചുവട് പിടിച്ചാണ് മലയാളത്തിലേക്ക് 'കുത്തിപ്പൊക്കല്‍' സംഭവിച്ചത്. ഇതിന് ആദ്യം ഇരയായത് പൃഥ്വിരാജാണ്. ഇതിന് പിന്നാലെ മമ്മൂട്ടി, ആസിഫ് അലി, ചില നടിമാര്‍ എന്നിവർക്കും ഈ കുത്തിപ്പൊക്കൽ ഒരു പാരയായി മാറിയിരിക്കുകയാണ്.
ഇപ്പോള്‍ പുലര്‍ത്തുന്ന പ്രഫഷണലിസമൊന്നും ഫേസ്ബുക്കില്‍ താരങ്ങളുടെ പേജില്‍ മുന്‍പ് ഉണ്ടായിരുന്നില്ലെന്ന് പഴയ പോസ്റ്റുകളില്‍ നിന്നും വ്യക്തമാണ്. ഇതിൽ ചിലർ, തങ്ങളുടെ ഫേസ്ബുക്ക് ഫാൻ പേജാണ് പിന്നീട് ഒഫീഷ്യലായി മാറ്റിയിരിക്കുന്നത്.
