അമല പോള്‍ രണ്ടും കല്‍പ്പിച്ചാണ്. അടുത്ത നയന്‍‌താരയാകാനുള്ള ശ്രമമെന്നാണ് കോളിവുഡ് അടക്കം പറയുന്നത്. നയന്‍‌സ് ഇപ്പോള്‍ ഗ്ലാമറിനേക്കാള്‍ കൂടുതല്‍ കഥാപാത്രങ്ങളുടെ കരുത്താണ് ശ്രദ്ധിക്കുന്നത്. അതുകൊണ്ടുതന്നെ, നയന്‍‌താര മുമ്പ് ചെയ്തിരുന്ന തരത്തിലുള്ള ഗ്ലാമര്‍ റോളുകള്‍ ഇപ്പോള്‍ അമലയെ തേടിയാണ് എത്തുന്നത്.
തിരുട്ടുപയലേ 2 എന്ന പുതിയ സിനിമയില്‍ മേനിപ്രദര്‍ശനത്തിന്‍റെ സകല അതിരുകളും ഭേദിച്ചിരിക്കുകയാണ് അമല. പൊക്കിള്‍ കാണിച്ചുകൊണ്ടുള്ള ആദ്യലുക്ക് പോസ്റ്റര്‍ വന്‍ തരംഗമായതിന് ശേഷമെത്തിയ ട്രെയിലറിലും അമല തകര്‍ത്താടുകയാണ്. അമലയും ബോബി സിംഹയും ഇഴുകിച്ചേര്‍ന്നുള്ള രംഗങ്ങള്‍ തിയേറ്ററുകളെ ചൂടുപിടിപ്പിക്കുമെന്നുറപ്പ്.
