മമ്മൂട്ടി വക്കീലാണ്, പക്ഷേ കോടതിയില്‍ പോകില്ല, ആക്ഷനില്ല, മാസ് രംഗങ്ങളില്ല: ‘പുതിയ നിയമം’ പിന്നെ എന്ത്?
എന്നാല്‍ എ കെ സാജന്‍ വെളിപ്പെടുത്തിയിരിക്കുന്ന ചില കാര്യങ്ങളുണ്ട്. ഈ സിനിമയില്‍ മമ്മൂട്ടി ഒരു അഭിഭാഷകനാണ്. അഡ്വ.ലൂയിസ് പോത്തന്‍ നരിമാടന്‍ എന്നാണ് പേര്. സാധാരണയായി അഭിഭാഷകര്‍ പ്രധാന കഥാപാത്രങ്ങളാകുന്ന സിനിമയില്‍ ത്രസിപ്പിക്കുന്ന കോടതിരംഗങ്ങള്‍ ഉണ്ടാകും. എന്നാല്‍ ഈ സിനിമയില്‍ കോടതി രംഗങ്ങള്‍ ഒന്നുമില്ല.
കോടതിരംഗങ്ങളും അതുമായി ബന്ധപ്പെട്ടുവരുന്ന സ്ഥിരം ക്ലീഷേകളും ഈ സിനിമയില്‍ ഉള്‍പ്പെടുത്തിയിട്ടില്ല. മമ്മൂട്ടിയുടെ കഥാപാത്രത്തിന്‍റെ ആക്ഷന്‍ രംഗങ്ങള്‍ പ്രതീക്ഷിച്ചുപോകുന്നവരും നിരാശരാകും. കാരണം മമ്മൂട്ടിക്ക് ഈ സിനിമയില്‍ ആക്ഷന്‍ രംഗങ്ങളില്ല, മാസ് രംഗങ്ങളില്ല.
പുതിയ നിയമത്തില്‍ മമ്മൂട്ടിക്ക് കൂടുതല്‍ ചെറുപ്പം തോന്നുന്ന ഗെറ്റപ്പാണുള്ളത്. ആക്രോശിക്കുന്ന നായകനല്ല, ഇതൊരു ബ്രഹ്മാണ്ഡ ചിത്രവുമല്ല. സിനിമയില്‍ കൂടുതല്‍ തമാശകള്‍ പറയുന്നതുപോലും മമ്മൂട്ടിയുടെ കഥാപാത്രമാണ്. കാത്തിരിക്കുക.
