ബോളിവുഡ് സുന്ദരി സണ്ണി ലിയോണായിരുന്നു ഇന്നലെ കേരളത്തിലെ ചെറുപ്പക്കാരുടെ പ്രധാന സംസാരവിഷയം. സണ്ണിയെ കാണുന്നതിനായി ആയിരങ്ങള്‍ ഇന്നലെ കൊച്ചിയില്‍ എത്തിയിരുന്നു. തിരക്കു മൂലം എസ്ബിഐ ശാഖയുടെ മുകളിലും അതുവഴി കടന്നു പോയ ബസിന്റെ മുകളിലും കയറിയിരുന്നാണു പലരും താരത്തെ കണ്ടത്. സംഭവത്തില്‍ നിരവധി ട്രോളുകളും എത്തി. രസകരമായ ചിത്രങ്ങളായിരുന്നു കൂടുതലും. അതില്‍ തനിക്കേറ്റവും ഇഷ്ടപ്പെട്ട ചിത്രം ഏതെന്ന് പറയുകയാണ് സണ്ണി.
ബോളിവുഡ് താരം സണ്ണി ലിയോണെ ഒരുനോക്ക് കാണാന്‍ ബസിന് മുകളിലും കെട്ടിടത്തിന് മുകളില്‍ വലിഞ്ഞുകയറിയവരുണ്ട്. വ്യാഴാഴ്ച ഉച്ചയോടെയാണ് സണ്ണി ലിയോണ്‍ എംജി റോഡില്‍ മഹാരാജാസ് കോളജ് ഗ്രൗണ്ടിനു മുന്നിലുള്ള മൊബൈല്‍ ഷോറൂം ഉദ്ഘാടനം ചെയ്യുന്നതിനായി എത്തിയത്. സണ്ണി ലിയോണിനെ ഒരുനോക്കു കാണുന്നതിനായി ആയിരങ്ങള്‍ ഇവിടെ തടിച്ചു കൂടിയിരുന്നു.
