മമ്മൂട്ടിയുടെ പ്രിയപ്പെട്ട സംവിധായകരാണ് ജോണി ആൻറണിയും മാർത്തണ്ഡനും. വളരെ വേഗത്തിൽ കൊമേഴ്സ്യൽ ഹിറ്റൊരുക്കാനുള്ള മിടുക്കാണ് ഈ സംവിധായകരെ മമ്മൂട്ടിക്ക് പ്രിയങ്കരരാക്കുന്നത്. മികച്ച കഥകൾ കണ്ടെത്തി പെട്ടെന്ന് പ്രൊജക്ടുകൾ സൃഷ്ടിക്കാനും അവയെ മികച്ച പാക്കേജാക്കി മാറ്റാനും ഇരുവർക്കും കഴിയുന്നു. അടുത്ത വർഷം ഈ രണ്ട് സംവിധായകർക്കും മമ്മൂട്ടി ഡേറ്റ് നൽകാൻ സാധ്യതയുണ്ടെന്നാണ് സൂചനകൾ.
തോപ്പിൽ ജോപ്പനാണ് ജോണി ആൻറണി ഒടുവിൽ സംവിധാനം ചെയ്ത മമ്മൂട്ടിച്ചിത്രം. പുലിമുരുകനൊപ്പം റിലീസാകുകയും മികച്ച വിജയം വെട്ടിപ്പിടിക്കുകയും ചെയ്ത തോപ്പിൽ ജോപ്പൻ മമ്മൂട്ടിക്കും ഏറെ പ്രിയപ്പെട്ട ചിത്രമാണ്. തുറുപ്പുഗുലാൻ, ഈ പട്ടണത്തിൽ ഭൂതം, താപ്പാന തുടങ്ങിയ ഹിറ്റുകളും മമ്മൂട്ടിക്ക് സമ്മാനിച്ചത് ജോണി ആൻറണിയാണ്.
