വരുന്ന ലോക്സഭാ തെരഞ്ഞെടുപ്പില്‍ തിരുവനന്തപുരം ലോക്സഭാ മണ്ഡലം കേരളത്തിലെ ഏറ്റവും ശക്തവും വീര്യമുള്ളതുമായ പോരാട്ടം നടക്കുന്ന സ്ഥലമാണ്. ശശി തരൂര്‍ എന്ന അതികായന്‍ കോണ്‍ഗ്രസ് ടിക്കറ്റില്‍ സ്ഥിരമായി ജയിക്കുന്ന മണ്ഡലം. ഇത്തവണ തരൂരിനെ തോല്‍പ്പിച്ച് മണ്ഡലം പിടിക്കണമെന്ന് ഇടതുപക്ഷവും ബി ജെ പിയും ഒരുപോലെ ആഗ്രഹിക്കുന്നു.
തിരുവനന്തപുരത്ത് ബി ജെ പി സ്ഥാനാര്‍ത്ഥിയായി സുരേഷ് ഗോപി വരുമെന്നാണ് അഭ്യൂഹം. എന്നാല്‍ ഇക്കാര്യത്തില്‍ അന്തിമതീരുമാനമായിട്ടില്ല. മത്സരിക്കാന്‍ സുരേഷ്ഗോപിക്ക് താല്‍പ്പര്യമില്ലെന്നും അദ്ദേഹം ആ സമയം സിനിമകള്‍ക്ക് ഡേറ്റ് നല്‍കിയെന്നുമൊക്കെ വാര്‍ത്തകള്‍ വരുന്നു. എന്നാല്‍ ബി ജെ പി നേതൃത്വം പറഞ്ഞാല്‍ സുരേഷ്ഗോപി മത്സരിക്കാന്‍ തയ്യാറാവുക തന്നെ ചെയ്യും.
