പനീര്‍സെല്‍‌വമാണെങ്കിലും ശശികലയാണെങ്കിലും നിര്‍ണായകമായ തീരുമാനങ്ങള്‍ കൈക്കൊള്ളുന്നതിന് മുമ്പായി മറീന ബീച്ചില്‍ ജയലളിതയുടെ സമാധിസ്ഥലത്ത് വന്ന് ധ്യാനിക്കുന്നത് പതിവായിരിക്കുകയാണ്. തങ്ങളുടെ തീരുമാനങ്ങള്‍ ശരിയായ വഴിക്ക് ആകുന്നതിനായി ജയലളിതയുടെ ആത്മാവിനോട് ഇരുവരും സംസാരിക്കുന്നതായാണ് അനുയായികള്‍ പറയുന്നത്.
അതായത്, ജയലളിതയുടെ ആത്മാവിന്‍റെ നിര്‍ദ്ദേശങ്ങള്‍ക്കനുസരിച്ചാണ് ഇരുനേതാക്കളും പ്രവര്‍ത്തിക്കുന്നതത്രേ. ശശികലയ്ക്കെതിരെ തിരിയുന്നതിന് തൊട്ടുമുമ്പ് 40 മിനിറ്റോളമാണ് പനീര്‍സെല്‍‌വം ജയ സമാധിയില്‍ ധ്യാനമിരുന്നത്. അതിന് ശേഷം ഒരു പുതിയ പനീര്‍സെല്‍‌വത്തെയാണ് ലോകം കണ്ടത്.
