ഈ കുഞ്ഞിനെ കൊന്ന് കുഴിച്ചിട്ട ശേഷം അവിടെ ക്ഷേത്രം പണി കഴിപ്പിച്ചാൽ ഇനി ജനിക്കാൻ പോകുന്ന കുഞ്ഞിന് പൂർണ്ണ ആരോഗ്യമുണ്ടാകുമെന്ന് ഒരു പൂജാരി പറഞ്ഞതിനെത്തുടർന്നാണ് ഇങ്ങനെ ചെയ്‌തതെന്നാണ് മാതാപിതാക്കളുടെ മൊഴി. അമ്മയ്‌ക്ക് മകളെ പിരിയാൻ കഴിയാത്തതുകൊണ്ടാണ് വീടിനുള്ളിൽ തന്നെ മൃതദേഹം കുഴിച്ചിട്ടതെന്ന് കുട്ടിയുടെ മുത്തശ്ശി പൊലീസിനോട് പറഞ്ഞു. കുഞ്ഞിന്റെ ആമാശയത്തിൽ ഭക്ഷണത്തിന്റെ ഒരു തരി പോലും ഇല്ലായിരുന്നുവെന്ന് പോസ്‌റ്റുമോർട്ടം റിപ്പോർട്ടിൽ പറയുന്നു.
