2017 ഓഗസ്റ്റ് 27ന് ഡല്‍ഹിയിലായിരുന്നു കേസിനാസ്പദമായ സംഭവം നടന്നത്. ഫാംഹൗസ് ഉടമയുടെ മകളെയാണ് 30 കാരനായ ഷബാദ് ഖാന്‍ എന്നയാള്‍ കാറിനുള്ളിലിട്ട് പീഡിപ്പിച്ച് കൊലപ്പെടുത്തിയത്. തുടര്‍ന്ന് ഇവരുടെ നഗ്‌നമായ മൃതദേഹം മാല്‍വിയയിലെ വീട്ടിലെത്തിച്ചെന്നും പ്രതി മൊഴി നല്‍കി. കൊല്ലപ്പെട്ട സ്ത്രീയുടെ പിതാവിന്റെ പരാതിയില്‍ കേസെടുത്താണ് പൊലീസ് കുറ്റവാളിയെ അറസ്റ്റ് ചെയ്തത്.
പ്രതിയുടെ കുഞ്ഞിനെ ഗര്‍ഭം ധരിച്ച 38കാരി ഒരു മാസം മുമ്പ് ഗര്‍ഭഛിദ്രത്തിന് വിധേയായിരുന്നു. തുടര്‍ന്നാണ് വിവാഹമോചിതയായ ഇവര്‍ കാമുകനെ വിവാഹത്തിന് നിര്‍ബന്ധിച്ചത്. 2002ല്‍ വിവാഹിതയായ ഇവര്‍ പിന്നീട് ഭര്‍ത്താവില്‍ നിന്ന് വിവാഹമോചനം നേടിയിരുന്നു. 12വയസ്സുകാരന്റെ അമ്മയായ ഇവര്‍ വിവാഹമോചനം നേടിയ ശേഷം മാല്‍വിയ നഗറിലാണ് താമസിച്ചുവരുന്നത്.
