സ്റ്റാര്‍ക്കിന്റെ എക്‌സ്ട്രാ ബൗണ്‍സ് പന്ത് പ്രതിരോധിക്കാനുള്ള ശ്രമത്തിലാണ് കോലി പുറത്തായത്. കോലി ആ പന്ത് ലീവ് ചെയ്തിരുന്നെങ്കില്‍ വിക്കറ്റ് നഷ്ടമാകില്ലായിരുന്നു എന്നാണ് ആരാധകര്‍ പറയുന്നത്. ആരാധകര്‍ മാത്രമല്ല മുന്‍ ഇന്ത്യന്‍ താരം സുനില്‍ ഗവാസ്‌കറും ഇതേ അഭിപ്രായമാണ് കോലിയുടെ വിക്കറ്റിനെ കുറിച്ച് പറഞ്ഞത്.
' അതൊരു പ്രയാസപ്പെട്ട ഡെലിവറി തന്നെയായിരുന്നു. ഫ്രന്റ് ഫൂട്ടില്‍ ആയിരുന്നു കോലി ആ സമയത്ത്. അതുകൊണ്ട് ബാറ്റ് വലിച്ച് ആ പന്ത് ലീവ് ചെയ്യാന്‍ കോലിക്ക് സാധിച്ചില്ല. ബാക്ക് ഫൂട്ടില്‍ ആയിരുന്നെങ്കില്‍ ആ പന്ത് കളിക്കാതിരിക്കാന്‍ സാധിക്കുമായിരുന്നു. കളിക്കേണ്ട ആവശ്യമില്ലാത്ത പന്തായിരുന്നു അത്,' ഗവാസ്‌കര്‍ പറഞ്ഞു.
