Shreyas Iyer: തലമുറ മാറ്റത്തിലേക്കുള്ള ആദ്യ ചുവടുവയ്പ്പ് എന്ന നിലയിലാണ് ഇംഗ്ലണ്ടിനെതിരായ ടെസ്റ്റ് പരമ്പരയ്ക്കുള്ള ഇന്ത്യന്‍ ടീമിനെ ബിസിസിഐ പ്രഖ്യാപിച്ചത്. അതേസമയം മൂന്ന് ഫോര്‍മാറ്റിലും ഇന്ത്യക്കായി തിളങ്ങാന്‍ കഴിവുള്ള ശ്രേയസ് അയ്യരെ ഇംഗ്ലണ്ടിനെതിരായ ടെസ്റ്റ് ടീമില്‍ നിന്ന് അകറ്റി നിര്‍ത്തിയതില്‍ ആരാധകര്‍ക്കു വിഷമമുണ്ട്.
ശ്രേയസിനെ ടീമിലെടുക്കാത്തതിനെ കുറിച്ച് ചോദിച്ചപ്പോള്‍ ഗംഭീര്‍ നല്‍കിയ മറുപടി ഇങ്ങനെ, ' ഞാന്‍ അല്ലല്ലോ സെലക്ടര്‍,'. ശ്രേയസിനെ ഒഴിവാക്കിയ സെലക്ടര്‍മാരുടെ തീരുമാനത്തില്‍ ഗംഭീറിനു അതൃപ്തിയുണ്ടെന്നാണ് ഈ വരികള്‍ അര്‍ത്ഥമാക്കുന്നത്. ഏകദിനത്തിലും ആഭ്യന്തര ക്രിക്കറ്റിലും നന്നായി കളിക്കുന്നുണ്ടെങ്കിലും ശ്രേയസിനു ഇപ്പോള്‍ ടെസ്റ്റ് ടീമില്‍ സ്ഥാനമില്ലെന്നാണ് ചീഫ് സെലക്ടര്‍ അജിത് അഗാര്‍ക്കര്‍ ടീം പ്രഖ്യാപന വേളയില്‍ പറഞ്ഞത്.
