ശ്രീലങ്കക്കെതിരായ മൂന്നാം ടി20 മത്സരത്തിലും മോശം പ്രകടനം നടത്തിയതോടെ സമൂഹമാധ്യമങ്ങളില്‍ സഞ്ജു സാംസണെതിരായ വിമര്‍ശനം കടുക്കുന്നു. രണ്ടാം ടി20 മത്സരത്തില്‍ നേരിട്ട ആദ്യ പന്തില്‍ തന്നെ പുറത്തായ സഞ്ജു മൂന്നാം ടി20യില്‍ നാല് പന്തുകള്‍ നേരിട്ട ശേഷം പൂജ്യനായാണ് മടങ്ങിയത്. ഇതോടെ ഒരു കലണ്ടര്‍ വര്‍ഷത്തില്‍ ഏറ്റവും കൂടുതല്‍ തവണ പൂജ്യത്തിന് പുറത്താകുന്ന ഇന്ത്യന്‍ താരമെന്ന നാണക്കേടിന്റെ റെക്കോര്‍ഡ് സഞ്ജുവിന്റെ പേരിലായി.
വിരാട് കോലി,യൂസഫ് പഠാന്‍,രോഹിത് ശര്‍മ എന്നിവരും ഈ നാണക്കേടിന്റെ റെക്കോര്‍ഡില്‍ സഞ്ജുവിനൊപ്പമുണ്ട്. അതേസമയം പരമ്പരയിലെ അവസാന മത്സരത്തിലും വിജയിച്ചുകൊണ്ട് പരമ്പര 3-0ന് ഇന്ത്യ സ്വന്തമാക്കി. ബൗളിംഗില്‍ സൂര്യകുമാര്‍ യാദവ്,റിങ്കു സിംഗ് എന്നിവരുടെ മികച്ച പ്രകടനങ്ങളാണ് ഇന്ത്യയെ വിജയത്തിലെത്തിച്ചത്. അവസാന ഓവര്‍ വരെ പൊരുതിനിന്ന ശ്രീലങ്കയെ സൂപ്പര്‍ ഓവറില്‍ തകര്‍ത്താണ് ഇന്ത്യ വിജയം സ്വന്തമാക്കിയത്.
