ഇന്ത്യൻ ക്രിക്കറ്റ് ചരിത്രത്തിലെ എക്കാലത്തെയും മികച്ച ഓപ്പണിംഗ് കൂട്ടുക്കെട്ടാണ് സച്ചിൻ-ഗാംഗുലി ജോഡി. ഏകദിനത്തിൽ 176 ഇന്നിങ്സുകളിലാണ് രണ്ടുതാരങ്ങളും ഒരുമിച്ച് ഓപ്പൺ ചെയ്തത്.47.55 ശരാശരിയില്‍ 8,227 റണ്‍സ് സ്‌കോര്‍ ചെയ്ത ഈ സഖ്യത്തിന്റെ പേരിലാണ് ഏറ്റവും കൂടുതല്‍ റണ്‍സ് നേടിയ ഓപ്പണിങ് ജോഡിയെന്ന് റെക്കോഡുമുള്ളത്. എന്നാൽ ഗാംഗുലിക്കൊപ്പം ഓപ്പൺ ചെയ്യുമ്പോൾ ആദ്യം സ്ട്രൈക്ക് എടുക്കുന്നതിൽ നിന്നും സച്ചിൻ ഒഴിഞ്ഞു മാറു‌കയാണ് ചെയ്യാറുള്ളത്.
നല്ല ഫോമിലാണെങ്കില്‍ ആ ഫോം തുടരണമെങ്കില്‍ നോൺ സ്ട്രൈക്കേഴ്‌സ് എൻഡിൽ വേണമെന്ന് സച്ചിൻ പറയും ഇനി മോശം ഫോമിലാണെങ്കിലോ അപ്പോൾ നോൺ സ്ട്രൈക്കേഴ്‌സ് എൻഡിൽ നിൽക്കുന്നത് തന്റെ സമ്മർദ്ദം കുറക്കുമെന്നും സച്ചിൻ പറയും ഗാംഗുലി വ്യക്തമാക്കി.മായങ്ക് അഗര്‍വാളുമൊത്തുള്ള ഒരു പരിപാടിയില്‍ സംബന്ധിക്കവെയാണ് ദാദ ഇക്കാര്യം വെളിപ്പെടുത്തിയത്.
