ചാംപ്യന്‍സ് ട്രോഫിക്കു ശേഷം രോഹിത് ഏകദിന ക്രിക്കറ്റില്‍ നിന്ന് വിരമിക്കുമെന്ന് നേരത്തെ വാര്‍ത്തകളുണ്ടായിരുന്നു. എന്നാല്‍ അത്തരം ഗോസിപ്പുകളെ മുഴുവന്‍ രോഹിത് ചിരിച്ചുകൊണ്ട് തള്ളി. ' ഒരുകാര്യം വ്യക്തമാക്കട്ടെ, ഈ ഫോര്‍മാറ്റില്‍ നിന്ന് ഞാന്‍ ഇപ്പോള്‍ വിരമിക്കുന്നില്ല. അത്തരം ഗോസിപ്പുകളൊന്നും ഇനി മുന്നോട്ടു കൊണ്ടുപോകണ്ട,' രോഹിത് വ്യക്തമാക്കി.
അതിനിടെ മാധ്യമ പ്രവര്‍ത്തകര്‍ രോഹിത്തിന്റെ ക്രിക്കറ്റ് ഭാവിയെ കുറിച്ച് ആകാംക്ഷയോടെ ചോദിച്ചു. ' ഭാവി പരിപാടിയോ? പ്രത്യേകിച്ചു അങ്ങനെയൊരു ഭാവി പദ്ധതി ഇല്ല. ഇപ്പോള്‍ എന്താണോ ചെയ്യുന്നത്, അത് തുടരും,' രോഹിത് കൂട്ടിച്ചേര്‍ത്തു.
