അതേസമയം നാലാം ദിനമായ ഇന്ന് ചായയ്ക്ക് പിരിയുമ്പോള്‍ ഇന്ത്യ 90.2 ഓവറില്‍ ആറ് വിക്കറ്റ് നഷ്ടത്തില്‍ 438 റണ്‍സ് എടുത്തിട്ടുണ്ട്. 82 റണ്‍സ് ലീഡാണ് ഇന്ത്യക്കുള്ളത്. സര്‍ഫറാസ് ഖാന്‍ (195 പന്തില്‍ 150), കെ.എല്‍.രാഹുല്‍ (16 പന്തില്‍ 12) എന്നിവരുടെ വിക്കറ്റുകളും ഇന്ത്യക്ക് ഇന്ന് നഷ്ടമായി. നാല് റണ്‍സുമായി രവീന്ദ്ര ജഡേജ പുറത്താകാതെ നില്‍ക്കുന്നു.
നേരത്തെ വിരാട് കോലി (102 പന്തില്‍ 70), രോഹിത് ശര്‍മ (63 പന്തില്‍ 52) എന്നിവര്‍ ഇന്ത്യക്കായി അര്‍ധ സെഞ്ചുറി നേടിയിരുന്നു. യഷസ്വി ജയ്സ്വാള്‍ 35 റണ്‍സെടുത്ത് പുറത്തായി. ഒന്നാം ഇന്നിങ്സില്‍ ഇന്ത്യ വെറും 46 റണ്‍സിനാണ് ഓള്‍ഔട്ട് ആയത്.
