നിലവിൽ കളിക്കുന്ന ക്രിക്കറ്റ് താരങ്ങളിൽ ഏറെ കഴിവുകളുള്ള താരമെന്നാണ് സഞ്ജു സാംസണിനെ വിശേഷിപ്പിക്കുന്നത്. പ്രകടനത്തിൽ സ്ഥിരതയില്ലെന്ന വിമർശനത്തിന് ഒരു പരിധി വരെ തന്റെ പ്രകടനം കൊണ്ട് മറുപടി പറയാൻ ഐപിഎല്ലിലൂടെ താരത്തിനായിരുന്നു. ഇപ്പോളിതാ കൂടുതൽ മെച്ചപ്പെടാൻ സഞ്ജു ശ്രദ്ധിക്കേണ്ടത് ഒരു കാര്യത്തിൽ മാത്രമാണെന്ന് വ്യക്തമാക്കുകയാണ് മുൻ ഇന്ത്യൻ പരിശീലകനായ രവി ശാസ്‌ത്രി.
എതിരാളികളെ നന്നായി പഠിച്ച് അതിനനുസരിച്ച് ഷോട്ടുകൾ തിരെഞ്ഞെടുക്കാൻ സഞ്ജു ശ്രദ്ധിക്കണം. ഓരോ ബൗളറുടെയും ഏതൊക്കെ പന്തുകളിൽ ഏത് തരം ഷോട്ട് കളിച്ചാലാണ് ഗുണം ചെയ്യുകയെന്ന് സഞ്ജു മനസിലാക്കണം. ഇവിടെയാണ് കോലി മികച്ചുനിൽക്കുന്നത്. കോലിയുടെ പക്വതയും നിയന്ത്രണവും അച്ചടക്കവും എതിരാളിയെ പഠിക്കാനുള്ള കഴിവും ഉൾപ്പെടു‌ത്താനായാൽ വമ്പൻ സ്കോറുകളിലേക്ക് സഞ്ജു കുതിക്കുമെന്നും ശാസ്‌ത്രി പറഞ്ഞു.
