ട്വന്റി 20 ലോകകപ്പ് ജയത്തോടെ ഇന്ത്യയുടെ മുഴുവന്‍ അഭിമാനമായിരിക്കുകയാണ് പരിശീലകന്‍ രാഹുല്‍ ദ്രാവിഡ്. 11 വര്‍ഷങ്ങള്‍ക്കു ശേഷം ഇന്ത്യ ഐസിസി ടൂര്‍ണമെന്റില്‍ ചാംപ്യന്‍ പട്ടം നേടുമ്പോള്‍ അതിന്റെ ഭാഗമായതില്‍ ദ്രാവിഡിനും അഭിമാനിക്കാം. എന്നാല്‍ രോഹിത് ശര്‍മയുടെ ഒരൊറ്റ ഫോണ്‍ കോളിന്റെ ബലത്തിലാണ് ഈ ലോകകപ്പ് ജയത്തിന്റെ ഭാഗമാകാന്‍ ദ്രാവിഡിനു സാധിച്ചത്. അന്ന് രോഹിത് വിളിച്ചില്ലായിരുന്നെങ്കില്‍ ട്വന്റി 20 ലോകകപ്പ് കളിക്കാന്‍ അമേരിക്കയിലേക്ക് വിമാനം കയറിയ ഇന്ത്യന്‍ ടീമിനൊപ്പം ദ്രാവിഡ് ഉണ്ടാകില്ലായിരുന്നു.
