ഏകദിന റാങ്കിങ്ങില്‍ കോഹ്ലി രണ്ടാമത്

അന്താരാഷ്‌ട്രാ ക്രിക്കറ്റ് കൌണ്‍സില്‍ പുറത്തിറക്കിയ ഏറ്റവും പുതിയ ഐസിസി ഏകദിന റാങ്കിങ്ങില്‍ ഇന്ത്യന്‍ താരം വിരാട് കോഹ്ലിക്ക് മുന്നേറ്റം. 887 പോയിന്റുമായി ദക്ഷിണാഫ്രിക്കന്‍ താരം എബി ഡിവില്ലിയേഴ്സ് ഒന്നാമത് നില്‍ക്കുമ്പോള്‍ 862 പോയിന്റുമായി കോഹ്ലി രണ്ടാമതാണ്.

ആദ്യ പത്തു പേരില്‍ കോഹ്ലിയെ കൂടാതെ ഇന്ത്യന്‍ ഏകദിന ക്യാപ്റ്റന്‍ മഹേന്ദ്ര സിംഗ്
ധോണിയും ഓപ്പണര്‍ ശിഖര്‍ ധവാനുമുണ്ട്. ധോണി പത്താമതും, ധവാന്‍ പട്ടികയില്‍ അഞ്ചാമതുമാണ്. ബോളര്‍മാരുടെ പട്ടികയില്‍ എട്ടാമതുള്ള ഭുവനേശ്വര്‍ കുമാറും ഒമ്പതാമതുള്ള രവീന്ദ്ര ജഡേജയുമാണ് ആദ്യ പത്തിലുള്ള ഇന്ത്യന്‍ താരങ്ങള്‍. ഓസ്ട്രേലിയ്ക്കെതിരായ ടെസ്റ്റ് പരമ്പരയില്‍ മികച്ച ഫോം തുടരുന്ന കോഹ്ലി പരമ്പരയില്‍ ഇതുവരെ 4 സെഞ്ചുറികള്‍ നേടി.

മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക് ചെയ്യുക. ഫേസ്ബുക്കിലും ട്വിറ്ററിലും  പിന്തുടരുക.