ചെന്നൈയെ ചാമ്പ്യന്‍മാരാക്കിയതിന് പിന്നില്‍ ഒരേയൊരാളേയുള്ളുവെന്നും അത് നായകന്‍ ധോണി തന്നെയാണെന്നും ടീമിന്റെ പരിശീലകനായ സ്റ്റീഫന്‍ ഫ്ലെമിംഗ് വ്യക്തമാക്കുന്നു. ടീമിനുള്ളില്‍ ധോണിയ്ക്ക് വലിയ സ്വാധീനമാണുള്ളത്. തന്റെ താരങ്ങളില്‍ നിന്നും ഏറ്റവും മികച്ച പ്രകടനം പുറത്തുകൊണ്ടുവരാനുള്ള മിടുക്ക് ധോണിക്കുണ്ടെന്നും ഫ്ലെമിംഗ് പറയുന്നു.
ചെന്നൈ ടീമിന്റെ ശരാശരി വയസ് 34 ആയിരുന്നു. ഇതായിരുന്നു മഞ്ഞപ്പടയെ വയസൻ ടീമെന്ന് വിളിച്ച് പലരും ആക്ഷേപിച്ചത്. എന്നാല്‍, മത്സരം തുടങ്ങിയത് മുതല്‍ യുവാക്കളെ വെല്ലുന്ന പ്രകടനവുമായി ‘വയസന്‍ പട’ കളി പിടിച്ചു.
