ബ്രെറ്റ് ലീയുടെ ലാസ്റ്റ് ഓവറാണ് വേള്‍ഡ് ജയന്റ്‌സിന് വിജയം സമ്മാനിച്ചത്. അവസാന ഓവറില്‍ എട്ട് റണ്‍സ് മാത്രമാണ് ഇന്ത്യ മഹാരാജാസിന് ജയിക്കാന്‍ വേണ്ടിയിരുന്നത്. എന്നാല്‍, ബ്രെറ്റ് പന്തുകൊണ്ട് തീ തുപ്പിയപ്പോള്‍ അവസാന ഓവറില്‍ ഇന്ത്യ മഹാരാജാസ് നേടിയത് വെറും രണ്ട് റണ്‍സ്. തകര്‍ത്തടിച്ചുകൊണ്ടിരിക്കുകയായിരുന്ന ഇന്ത്യ മഹാരാജാസിന്റെ ഇര്‍ഫാന്‍ പത്താന്റെ വിക്കറ്റ് ബ്രെറ്റ് അവസാന ഓവറിലെ ആദ്യ പന്തില്‍ തന്നെ സ്വന്തമാക്കി. ഇതോടെ കളി വേള്‍ഡ് ജയന്റ്‌സിന്റെ കൈകളിലായി. 21 പന്തില്‍ 56 റണ്‍സെടുത്താണ് ഇര്‍ഫാന്‍ പത്താന്‍ മടങ്ങിയത്. 22 പന്തില്‍ 45 റണ്‍സെടുത്ത യൂസഫ് പത്താനും ഇന്ത്യ മഹാരാജാസിനായി മികച്ച പ്രകടനം നടത്തി.
