ശ്രീലങ്കയും പാകിസ്ഥാനും തമ്മിലുള്ള ഒന്നാം ക്രിക്കറ്റ് ടെസ്റ്റിൽ ശ്രീലങ്കയ്ക്ക് ഏഴുവിക്കറ്റിന്റെ ഗംഭീര ജയം. കളിയുടെ നിര്‍ണായക ദിനമായ ഇന്നലെ പാകിസ്ഥാന്റെ രണ്ടാം ഇന്നിംഗ്സ് 180 അവസാനിച്ചശേഷം വിജയലക്ഷ്യമായ 99റൺ ലങ്ക അനായാസമായി നേടുകയായിര്‍ന്നു. പാകിസ്ഥാൻ ഒന്നാം ഇന്നിംഗ്സിൽ 451ന് എല്ലാവരും പുറത്താകുകയായിരുന്നു. തുടര്‍ന്ന് ലങ്ക 533/9 എന്ന സ്കോറിൽ ഡിക്ളയർ ചെയ്യുകയായിരുന്നു.
4/1 എന്ന നിലയിലാണ് പാകിസ്ഥാൻ ഇന്നലെ രണ്ടാം ഇന്നിംഗ്സ് തുടര്‍ന്നത്. അഹമ്മദ് ഷെഹ്സാദ് (16), നൈറ്റ് വാച്ച്മാൻ സയീദ് അജ്മൽ (4), യൂനിസ് ഖാൻ (13), മിസ്ബ ഉൽഹഖ് (28), ആസാദ് ഷഫീക് (8) എന്നിവര്‍ നിരാശപ്പെടുത്തുകയായിരുന്നു. തുടര്‍ന്ന് വാലറ്റക്കാരുടെ മികവിലാണ് 180തെന്ന സ്കോറില്‍ എത്തിയത്.
തുടര്‍ന്ന് ബാറ്റിംഗിനിറങ്ങിയ ശ്രീലങ്ക മൂന്ന് വിക്കറ്റ് നഷ്‌ടത്തില്‍ ലക്ഷ്യം മറികടക്കുകയായിരുന്നു. ഉപുൽ തരംഗ (12), മഹേല ജയവർദ്ധനെ (26), സംഗക്കാര (21) എന്നിവരാണ് പുറത്തായത്. നായകൻ ഏഞ്ചലോ മാത്യൂസാണ് (25) വിജയ റൺ നേടിയത്.
