അതേസമയം ഇതിഹാസ സ്പിന്നർ മുത്തയ്യ മുരളീധരന്റെ അപൂർവമായ ഒരു റെക്കോർഡ് കൂടി മറികടന്നിരിക്കുകയാണ് അശ്വിൻ. അന്താരാഷ്ട്ര ടെസ്റ്റ് ക്രിക്കറ്റിൽ ഏറ്റവും കൂടുതൽ തവണ ഇടം കയ്യൻ ബാറ്റ്സ്മാന്മാരെ പുറത്താക്കിയ ബൗളർ എന്ന റെക്കോർഡാണ് അശ്വിൻ സ്വന്തമാക്കിയത്. 191 തവണ ഇടം കയ്യൻമാരെ പുറത്താക്കിയ മുത്തയ്യ മുരളീധരന്റെ റെക്കോർഡാണ് താരം മറികടന്നത്.
രണ്ടാം ടെസ്റ്റ് മത്സരത്തിൽ ഓസ്ട്രേലിയയുടെ ജോഷ് ഹേസൽവുഡിനെ ബൗൾഡാക്കിയാണ് അശ്വിന്റെ റെക്കോർഡ് നേട്ടം. 186 തവണ ഇടം കയ്യന്മാരെ പുറത്താക്കിയ ഇംഗ്ലീഷ് പേസർ ജെയിംസ് അൻഡേഴ്‌സണാണ് പട്ടികയിൽ മൂന്നാമത്. 172 തവണ ഇടം കയ്യന്മാരെ പുറത്താക്കിയ ഗ്ലെൻ മഗ്രാത്ത്, ഷെയ്‌ൻ വോൺ എന്നിവരാണ് പട്ടികയിൽ നാലും അഞ്ചും സ്ഥാനത്തുള്ളത്.
