അതേസമയം നാട്ടില്‍ കൂടുതല്‍ തവണ ഒരു ടെസ്റ്റില്‍ സെഞ്ച്വറിയും അഞ്ചു വിക്കറ്റ് നേട്ടവും കൈവരിച്ച താരങ്ങളുടെ എലൈറ്റ് ലിസ്റ്റില്‍ അശ്വിൻ രണ്ടാം സ്ഥാനത്തായി. ഇത് മൂന്നാം തവണയാണ് അശ്വിൻ ഈ നേട്ടം സ്വന്തമാക്കുന്നത്. വെസ്റ്റ് ഇന്‍ഡീസിന്റെ ഗാരി സോബേഴ്‌സ്, പാകിസ്താന്റെ മുഷ്താഖ് അഹമ്മദ്, ദക്ഷിണാഫ്രിക്കയുടെ ജാക്വിസ് കാലിസ്, ബംഗ്ലാദേശിന്റെ ഷാക്വിബുല്‍ ഹസന്‍ എന്നിവരെയാണ് അശ്വിൻ മറികടന്നത്.
അഞ്ചു തവണ നാട്ടിൽ ഈ നേട്ടം സ്വന്തമാക്കിയ ഇംഗ്ലണ്ടിന്റെ ഇതിഹാസ ഓൾറൗണ്ടർ ഇയാൻ ബോത്തം മാത്രമാണ് അശ്വിന് മുന്നിലുള്ളത്. അതേസമയം എട്ടാമതായിറങ്ങി കൂടുതൽ സെഞ്ചുറികൾ നേടിയ താരങ്ങളുടെ പട്ടികയിലും അശ്വിൻ രണ്ടാമതായി ഇടം നേടി. എട്ടാമതായിറങ്ങി 3 സെഞ്ചുറികളാണ് അശ്വിൻ നേടിയിട്ടുള്ളത്. നാലു സെഞ്ച്വറികളുമായി ന്യൂസിലാന്‍ഡിന്റെ മുന്‍ നായകനും ഇതിഹാസ സ്പിന്നറുമായ ഡാനിയേല്‍ വെറ്റോറിയാണ് ഇനി അശ്വിനു മുന്നിലുള്ളത്.
