മത്സരത്തിന്റെ തുടക്കത്തിൽബുമ്ര, ഇശാന്ത്, അശ്വിന്‍ എന്നീ മൂവരും പിച്ചിൽ നിന്നും കാര്യമായ ആനൂകൂല്യം ലഭിക്കാതെ വലഞ്ഞപ്പോൾ ഇംഗ്ലണ്ട് മികച്ച തുടക്കം തന്നെ പ്രതീക്ഷിച്ചു. എന്നാൽ 24-ാം ഓവറിലെ അഞ്ചാം പന്തില്‍ ബേണ്‍സിനെ അശ്വിന്‍ വിക്കറ്റ് കീപ്പര്‍ റിഷഭിന്‍റെ കൈകളിലെത്തിച്ചു. മൂന്നാമനായി ഇറങ്ങിയ ഡാനിയൽ ലോറൻസിനെ റൺസെടുക്കാൻ അനുവദിക്കാതെ ഇന്ത്യൻ പേസർ ബുമ്ര മടക്കുകയും ചെയ്‌തു. ഇതോടെ ഇംഗ്ലണ്ട് 25.4 ഓവറില്‍ 63-2 എന്ന നിലയിലായി. ഇംഗ്ലണ്ട് സ്‌കോര്‍ 67ല്‍ നില്‍ക്കേ ആദ്യ സെഷന്‍ അവസാനിച്ചു.
