ശ്രീശാന്തിനെ പോലെ ഞാനും നിരപരാധി, കുടുക്കിയത് ലോബി: ജിജു ജനാര്‍ദ്ദനന്‍

PTI

PTI

ഐപിഎല്‍ വാതുവയ്പ്പ് കേസില്‍ താന്‍ നിരപരാധിയാണെന്ന് ശ്രീശാന്തിന്റെ സുഹൃത്ത് ജിജു ജനാര്‍ദ്ദനനും. കേസില്‍ ജാമ്യം ലഭിച്ച തലശേരിയിലെ വീട്ടിലെത്തിയ ജിജു മാധ്യമങ്ങളോട് സംസാരിക്കുകയായിരുന്നു.

“ശ്രീശാന്തിനെ പോലെ ഞാനും കേസില്‍ നിരപരാധിയാണ്. ശ്രീശാന്തിനും അറിയാം അത്. ഞാനാണ് ശ്രീശാന്തിനെ ഒത്തുകളിയുമായി ബന്ധപ്പെടുത്തിയതെന്ന രീതിയില്‍ അഭ്യൂഹം പ്രചരിപ്പിച്ചത് അഭിഭാഷകനാണ്. നിയമവ്യവസ്ഥയില്‍ പൂര്‍ണവിശ്വാസമുണ്ട്. നിരപരാധിത്വം കോടതിയില്‍ തെളിയിക്കും. ഒത്തുകളിക്കേസില്‍ തങ്ങളെ കുടുക്കിയത് ഒരു ലോബിയാണ്”- ജിജു പറഞ്ഞു.

ഐപിഎല്‍ ഒത്തുകളിക്കേസില്‍ യാതൊരു പങ്കുമില്ലെന്നാണ് ശ്രീശാന്തും പുറത്തിറങ്ങിയ ശേഷം പ്രതികരിച്ചത്.

വാതുവയ്പ്പുകാരുമായി ശ്രീശാന്ത് ബന്ധപ്പെട്ടത് ജിജു വഴിയാണെന്നതിന് തെളിവുകള്‍ ലഭിച്ചതായി ഡല്‍ഹി പൊലീസ് വ്യക്തമാക്കിയിരുന്നു.